(يـا ديـرتـي)

(1)

يا ديرتي ..

يا أحلى صبية في الشمـال ..

يا أجمل وطن في جعبة الرّحـال..

حبك حقيقة ما بـها أنكـار..

حبك عمار ودار..

يا مرتع الأقمـار ..

إنتي البداية والنهـاية للهوى..

وإنتي الهوى إللي صـار.

(2)

السامري لا من صدع .. ليلة فرح ..

(والعود ) ريحه لا انفضــح ..

غنى الهنا يا ليل دان ..

وغنيت أنا .. ولهان أنا يا دار..

ساق العمر ممدود .. في جوهر إحساسـي..

جذره على ترابـك ..

وزهره على راسـي..

ولا من تولانـي الهجير .. ولاّ العطـش..

من فيض حبك يالحبيبة إنتعـش ..

يا ضحكتي وأنا صغيـر..

ويا راحتي فوق النعـش.

(3)

يا غالية تمـي ..

كحلة بعين ( أمـي )..

ودم سقى دمـي ..

وبسط قهر همـي ..

وطيف اهيّم في خطـاه..

وأجرى وراه .. وأجرى..

لين المسـا يصبح على فجرى..

ولين الشفـاه..

تنسى حروف أهل الوله والآه..

يا روعة الروعات في وضح النقـا..

يا لهفتي للملتقـا..

ركب الشـقا..

من له إذا جار الزمن..

غيرك وطـن ..؟