يا ظالمين الليل ما لليل ذنب ..
الليل يقسى
والمحبين السبب.
إن طال… قالوا من البعد –
الليل طال
وإن زال … قالوا من السعد –
الليل زال
والليل هوّ الليل ما يظلم أحد.
****
هذا حبيب وذا حبيب
هذا يراعي بالنجوم
وهذا مع أحلامه ينوم
وخطو الدجى يمشي مع المشتاق هم
ويمشي مع اللي بايع الدنيا نغم
ويمشي مع الغافي حلم
والليل هوّ الليل ما يظلم أحد..
****
هذا طريق وذا طريق
هذا يودي للهنا
وهذا يودي للعنا
وضي القمر يضوي على الفرحه فرح
ويضوي ألم للي تكدر وانجرح
ويسري مع انسام الصبح
والليل هوّ الليل ما يظلم أحد.