(والله قهر )

(1)

والله يا عيوني قَهَر ..

الشَمس تصفَع بالـجِبين

وأنا على خُبرك مِسا ..

ما نِمت لين الحين .

النور مبطي قِد ظَهَر

ومَسّت عَلي شَمسَ الظُهُر

وأنا في سَهَر ..

والله يا عيوني قَهَر .

ما أدري أهُو هَذا الـجِنون ..

إللي يِسمونَه جِنون .؟

أو هي قَضية حُب .. راعيها مَغبون ؟ ولا وهَم وِلا غَرام .؟

لا ساعِتي توقَف ولا عيني تِنام

وِشلون طَعمَك يالـمَنام ..

وِدي أشوفَك يالـحِلِم

وِدي أطير بلا جَناح

وِدي أسافِر في العَدَم

وأشتاق لشروقَ الصَباح

مِثلَ البَشَر .. والله يا عيوني قَهَر .

(2)

قالوا حَياتَك ( يالصَبي )

قَلب أمتُوَلِع في ظَبي

سِمعتُهُم يا معَذِبي

ما لمُتُهم يا معَذِبي

وقِلت لعُيونك .. يا عِيونَه في حَياتي عَذبي

إن كان هَذا الشوق .. يالظَبيّة إلعَبي

وإن كان هَذا الوِد .. غَني وإطرَبي

وإن كان هَذا الـحُب .. هَذا مَطلَبي

ولا تِعتَبي .. مِثل البَشَر

خَلي القَهَر .. في روح يِعشَقها السَهَر .