( نــامـوا الأطـفـال )

( 1 )

 

ناموا الأطفال ..

والوحشه صَحَت فيني .. وشد البال !

يا ريح المطر بالهون ..

لا يصحون !

يا ريح المطر بالهون

يا ريح المطر

يا ريح :

ما صدّقت أنا .. يغفون ..!

 

كـُـفي وأرفقي فينا ..

كفي وأرفقي

كفي :

أبوس إيدك .. تفكينا..!

ترى هالبعد يكفينا ..

ويكفينا .. شقا الأحوال..!

إلهي :

إحفظ الأطفال

 

 

( 2 )

 

شاقول الصبح

لا قالوا: صـَباح الخير يا( بابا ) ..

وباص المدرسة بالباب ؟

شاقول إن جيت أعانقهم بصمتي

والحروف غْياب ..!

وشاقول إن طالت الغربه عليهم..

والسفر ما طاب..!

وش أكذب والكِذِب خيبه

وش أصدق..

والزِمن كذّ اب ..!

 

نِـشف صَـوتي

ولا جّـف السؤال الدايم الحيرة ؟

متى نرحم بعَضْـنا بعْض..

متى نـِسلم من أهْل البغض..

ومتى الأرض ..

نغسلها من الوسواس والغيرة ؟

 

أعوذ بخالق الدنيا ..

من الدنيا..

ومن إللي همّه الدنيا ..

ومن الأنذال ..!

إلهي ..

إحفظ الأطفال .

 

عمان .. كانون الأول

2000