(1)
ليل يودع ليل …
ليل يودع ليل ….
وصبحٍ يعانق جرح .. لا شمس لا تغريد
لا ضحكة وجود … لا همس .. لا ترديد
لا غيم يجود … الصمت يشكيني سكوت
والشوق يحييني ويموت ….
وفي ضيعة الترحال صرتي صدى موّال
وأصبحت أنا وكل المنى أطلال … في أطلال …
يا شاردة عني بعيد …. يا شاردة عني بعيد …
يا متعبة نبض الوريد يكفي ألم … يكفي ألم …
حسبك لقانا في الوهم …
يومك أرسمك حرف على صهوة قصيد
قلبي معاه بينهزم لآخر حدود العمر …
وجرحي معاه بيبتسم لو هو تغرب
وانكسر يا طيفه لا تنتظر
لا تشور بالرجعه أخاف …
لا تشور بالدمعة أخاف …
(2)
ما ريد أنا يا طيفه عصر الجفاف
عندي قناعة بالخيال …
أكبر كثير من الخيال …
لا لليدين تلامسها اليدين
لا للعيون تهامسها عيون
ودي احبك بالجنون إللي معي ..
ودي أشيلك بالجفون لا تفزعي …
وأمشي معك في كل حلم وسط ..
الخزامه .. والنفل .. والزيزفون ..
ودي الحقيقة لو تظل من غير فرح
ليل يودع ليل …
وصبح يعانق جرح …