(غمرة الحيرة)

(1)

أبي .. ولا بي ما أبي شِجاعَة ..

بَشَر .. والروح في عِز اليِفاعَة ..

ودَربي طينِةٍ زَلقَة ثِقيله ..

وقَلبي .. ما رَفَق بي باندِفاعَة ..

سَرى للهَوى حِسي ولا أدري ..

إلين إنزاح صَلدَ القاع حَدري ..

مِتى أو كيف أولَيه ولماذا ؟..

عَذى سُمَ الوَلَع  في العود يَسري ..

مِشيت بِلجَةٍ عَسعَس سِـماها ..

غَريرٍ ضيم نَفسَه في دِماها ..

قِديم العِرف والدِنيا تغّير ..

طُواها مثل حالي ما طِواها ..

أنا ناديت رد الصوت خاوي ..

وحيد بضَيَعة أيامي خَلاوي ..

أبدَ ما به مُـجيب إلا هُـمومٍ ..

تِقول أحّمِل على حِملك ودادي ..

إذا ناديت للفَرحَة تِـجيني ..

تَذَر الشّب في نَزّات عَيني ..

(2)

تَرجَعني سنين ماضِياتٍ ..

قِديـمَة ما بـَها ذِكرى تِلَبيني ..

وأغيب بغَمرَة الحيرة وأجيبَه ..

سُؤالي ليه ما عِندَك حَبيَبه ..

غَريب إنّك علي تشِد حيلك ..

وغَيري تِعتِقَه يا هي غَريبَة ..

أبَد ما أدري ولا أعلَم ولا أفهَم ..

أنا من قِدمَةَ الدِنيا تَرى أقَدم ..

يَتيم الـحِس ما عِندي ثَلاثَة …

أنا قَلبي وحيدٍ ليت تِفهَم

لِبستَ الـحِزن ثوبٍ مِن سَعادة ..

وغَير الـحِزن عزّ الله قَرادَةَ ..

تَعال وجَرِبَ إللي قِد طُواني ..

عَليم الله لا تِنسى الوِسادة ..

لعَيني هالـبَحَر كِلّه وَلَدها ..

ذَرَفتَه ذرفةٍ ما شي بَعَدها ..

ولا باقي سِوى الذِكرى ونيسي ..

إلا غَيمّت ناداني رَعدها …