(1)
سريعة مرت الأيام
سريعة كنها أحلام
خذت مني عزيز الوقت
خذت أحلى ليالي العمر
وراحت كنها ما جت –
ولا خلّت سوى الذكرى
وسريعة مرت الأيام.
(2)
زماني مع حبيب الروح
غدا في وسط قلبي جروح
ولقيانا وفرقانا
غدت ليل وعذاب وصمت
وخوف في النظر دايم
وشوق في السما هايم
وسريعة مرت الأيام .
(3)
حبيبي كيف أيامك..؟
عسى ذا البعد ما ظامك
عسى حال الهنا حالك؟
أنا دنياي في الماضي
تعيش اللي بقى فيها
وذكرى العام تحييها
وسريعة مرت الأيام.