( حـيّـها )

(1)

حيّها .. يا قلبي المشتاق ..

غن وحيّها .

إسمع خطاويها هناك ..

وإسمع نشيد حليّها ..

يا هو نسيم إللي سرق فوح العطر

منها وسبق .. يا هو نسيم .

نشوان لا مسها وبشرني وعبر

خّلا ثواني المنتظر ليلٍ عتيم..

وما همّها  .. إلا معانق ضّيها .. وحيّها.

( 2 )

عذرية بالزين ملفى كل شِعرٍ قيل ..

على مواطيها نبت عشب وتعطف سيل ..

غيدا يهز أقصاي وهج إقبالها..

لو ما بقى إلا الروح جدت بها لها ..

كانت وكنت .. وكان ميعاد بخيل ..

ما جاد إلا بالقليل ..

قلت باكر .. قالت إنسى المستحيل ..

ما عاد لك في زيّها .

(3)

يا منوع ..

آه لو يدري التغلي وش عملتي به ..

شاعرك رحتي دلال ولا سألتي به ..

يا منوع ..

يا بحر موّاج عني غابت أسراره .

كل ما أبني بيت غصب يمسح آثاره ..

يا منوع ..

أبنتظر وقت الرجوع …

وادري الوفى ما هو قطوع ..

وأدري بِتْعود … الساعة إللي اجتمعنا بفيّها.