النهايات في عـين الرحى مستجــــــــــــدة
وكل حي نمى عوده علـيه الســـــــــــــــــلام
هم مشوها و عاشوهـا مهود وشــــــــــــــدة
وانت من خلقتك فاني الجسد والعظـــــــــــام
وكان بك نفس لفراق البـدن مستعــــــــــــدة
وكل الله ، وجـوّد بالرسـن والخطـــــــــــــــــام
إتبع النور ، واللي ما يضـوّيك ســــــــــــــــده
ولا تحسّر على ذاك الوهــم والحطــــــــــــــام
تبت من ضعف حــالي والغلا والمـــــــــــــودة
واكتفيت وتعـــديت العتب والمــــــــــــــــــــلام
وش بقى لي من أوجـاع الليالي وأعـــــــــده
مثلها مثل سبعــة وثـــلاثين عـــــــــــــــــــــام
إغتراب وســراب وطينـة مستبــــــــــــــــــدة
والسعــادة سـواليف وكلام بكـــــــــــــــــــــلام
طحت ماشفتـه اللي فـز أو مد يــــــــــــــده
ورحت ماشفته اللي قال لي : وش عـــــــــلام؟
كل حي ٍ يحــس اللي يبــاريه نــــــــــــــــدّه
وكل ندٍ يرد مصـافحك بالحســـــــــــــــــــــــــام
وكنك إليا طلبت رضاه ، سبـيت جـــــــــــــــده !
وكنك إليا طلبـت حماه ،راعي خصـــــــــــــــــام!
الوطن آه ياحــلم تعبــت آستمـــــــــــــــــــده
له من أعماق روحي والضمـير الســــــــــــــلام
خاطري والمشاعر كل ما ابحرت عنـــــــــــده
آتمادى بعشـــقه ويْتمادى غـــــــــــــــــــــــرام
ليت لي في ثراه إن حـل نومي مخــــــــــــدة
وليت لي في سمـاه إن غيبوني حمـــــــــــام