(أعرف الليل )

(1)

أعرْف الليل وأسراره

لأني عشت حالة حب

وسكنت الشوق ووجاره

قبل ذا اليوم…يا معذب .

وكان النجم مصباحي

وكان الفجر مرواحي

وكنت أسهر واتصبر واتحسّر ..

واكفكف صرخة جراحي.

(2)

زمان حبيت من قلبي

بقايا إنسان

خذا كل الحسن واكثر

ولكن كان ياخسارة..

بلا وجدان.

هويتّه والهوى امّار

وكنت الظامي الولهان

وكان النار

حرقني وما دريت إني احترقت

لإني بكل ما فيني عشقت

وكنت اسهر واتصبر واتحسّر ..

واكفكف صرخة جراحي.

(3)

تجارب .. والعمر كله تجارب

عرفت الحب – عرفت الليل

وتعلمت أنا وشلون احارب .

كثير النوح ما ينفع

وكثر العذر .. ما يشفع

وطبع العين لا صار الغدر تدمع

وشوف الدمع في عيون الغدر يخدع

سنين أربع..

سقاني الليل فيها النور

ويا راعي الهوى معذور..

أنا مثلك سبق حبيت

وكنت اسهر واتصبر واتحسّر..

واكفكف صرخة جراحي.