( أعراب )

( 1 )

وش تبي تعرف ؟!

سألت .. !!

وقلت لك : الحال يقرف !.

لا جديد إلا المزيد

وسادة الدنيا غدوا مثل العبيد !!

وشي مؤسف .

 

أرضهم صارت شوارع من مواجع ..

وصارت أمريكا نعال ..

تدعس وتختال

وشرذمة صهيون تعزف موت

والتاريخ ينـزف .

 

السكوت إختارنا ..

وأخيارنا رهبان صاروا ..

يزرعون الورد في دير التزلف !!

والتخلف .. صار تاج أم الحضاره ..

والغضارة  سمها ذقنا مراره ..

ودب فينا الوهن

بس الله يلطف .

 

 

( 2 )

 

وش تبي تعرف ..

هضاب من التعب ..

وتراب من صبر وحطب ، وهباب

وأنهار من دمع وغضب وغياب

وأعراب من حد المحيط ..

للخليط ..

لساحل الكوت وثرى المرقاب .

 

يا كثرهم ..

ويا قلهم ..

ويا طول مدّ ت ظلهم ..

وقت  السهر لا طاب .

أعراب صاروا للأسف بديارهم أغراب .