(1)
باسم الوفا…
تميت أنا سهران ليلي العتوم
ورمشك غفا…
هذا جزا الإحسان عينك تنوم !
لجل الوفا يا للي تنادي بالوفا
سافرت في برد الدجى
وكان الرجا بك سلوتي – ويا حسرتي …
يا كيف خيبت الرجا يا حسرتي
(2)
وين العهود …
وين الرموز اللي تجوز وما تجوز
وين الجماد اللي تبي بحبه تفوز
ما دام قلبك من صخر ليه استمر؟
انسحب ، وأبعد عن دروبك واجوز
نفسي وأبا حفظ عزّها
ما بي هواك يذلها ويهزها
ويكفي كفى … ياللي تنادي بالوفا
(3)
ليش أدفن وجودي بوهم
وأعيش بك مغرم وأسير
اللي بناك من العدم
ترى خلق غيرك كثير
واعرف ترى ما أنت الوحيد
ولا أنت الفريد بها الزمن
وإن زارني حب جديد
في القلب بتكون الثمن
نفسي وأبا حفظ عزّها
ما بي هواك يذلها ويهزها
ويكفي كفى ……. ياللي تنادي بالوفا