ما صار غير الخير
ياللي نويت تروح
الباب لك مفتوح
سافر وشوف الكون
وإن صابتك الحزون
عوّد وأنا لك دار
واهل وقرايب.
وما صار غير الخير
****
الحب الأول ما يموت
طبعه كما طبع الزهر
لا هلت الغيمة ظهر
يشرق على وجه الربيع
ويكبر مثل طفل رضيع
ويعيش دنياه بفرح
مهما من الماضي انجرح
وما صار غير الخير
ما فاتنا خلّه يفوت
هنا هل الوقت الجديد
ربع الأغاني والنشيد
ما نلتفت للي مضى
بقلوبنا يعيش الرضى
وما صار غير الخير