(طلت من الروشان)

(1)

طلت من الروشان..

مثل القمر وسهيل

وفي عيونها باقي السهر

وباقي ظلام الليل.

وتحت اللثام..

ماادري كلام…أو ابتسام؟

(2)

مدت نظرها للسما ..

ترجي مطر عقب الظما

والوقت صيف..

والغصن توّه ما رمى أوراق الخريف.

ومدت يديها للندى..

وكان الندى في الصبح ضيف

يبكي على أطراف الرصيف.

ويوم استدارت شمسها

قالت وداع لنفسها..

وراحت تدّور امسها … وروّحت انا.

(3)

وروّحت أنا أغني..

وأملا الشوارع بالطرب .

مشتاق انا يا بنت وأشواقي عجب ..

جيت ازرعيني بساحل عيونك هدب

جيت ارسميني بجيدك الصافي ذهب

جيت   اشعليني في شتا ليلك لهب

حبيت أنا..

وحبك على جدار الشرايين انكتب.