(1)
العذر .. وش عاد بيفيد
مرت سواري الليل –مرت
والحلم أصبح بعيد.
وأصبحت ياحبي عدم
سهد وألم …
وصرت ياقلبي وحيد.
والعذر وش عاد بيفيد.!
(2)
كنتي زمان … وأنا اعترف.
كنتي الأماني والأغاني
وصوت قلبي لاهتف.
كنتي الرفيق اللي رفق
كنتي الصديق اللي صدق
والصاحب اللي لا وقفت..
عندي وقف.
وشتان مابين الزمان اللي مضى
وهذا الزمان.
والعذر وش عاد بيفيد.!
(3)
حلى القصيد اللي كتبته في عيونك ..مات.
وعمري اللي أخلص لك غدا في زحمة الآهات
واليوم ما أظن الدموع اللي تهل
بتعيد روح العاشق اللي انقتل
اللي طعنتيه بظهر
اللي ذبحتيه بغدر
رُوحي اسكني في قلب غيره واجرحي..
روحي افرحي
والعذر ما عاد بيفيد.؟