(ليل يودع ليل )

(1)

 

ليل يودع ليل ..

وصبحٍ يعانق جرح .

لا شمس لا تغريد

لا ضحكة وجود .

لا همس .. لا ترديد

لا غيم يجود .

الصمت يشكيني سكوت

والشوق يحييني ويموت .

وفي ضيعة الترحال

صرتي صدى موّال

وأصبحت أنا وكل المنى

أطلال .. في أطلال .

يا شاردة عني بعيد ..

يا متعبة نبض الوريد

يكفي ألم ..

حسبك لقانا في الوهم .

يوم أرسمك حرف على صهوة قصيد

قلبي معاه بينهزم

لين آخر حدود العمر ..

وجرحي معاه بيبتسم

لو هو تغرب وانكسر

ويا طيفها لا تنتظر

لا تشور بالرجعه أخاف ..

لا تشور بالدمعة أخاف ..

ما أريد أنا يا طيفها عصر الجفاف

عندي قناعة بالخيال ..

أكبر كثير من الخيال..

لا لليدين تلامسها اليدين

لا للعيون تهامسها عيون

ودي احبك بالجنون اللي معي ..

ودي أشيلك بالجفون، لا تفزعي ..

وأمشي معك في كل حلم

وسط الخزامى ، والنفل ، والزيزفون ..

ودي الحقيقة لو تظل من غير فرح

ليل يودع ليل ..

وصبح يعانق جرح .