( نكـون أصحـاب ؟ )

( 1 )

 

نكون أصحاب ..

وإلا ما نكون أصحاب ؟

نكون أحباب وإلا ما نكون أحباب ؟

أنا ما أدري عن الخافي ..

وضحك الناب ، موكافي ..

أبد يالهاجس إللي تشبه الكذّاب

مو كافي أبد والله نكون أصحاب .

 

( 2 )

 

دخلنا الشارع الخلفي ..

نبي نخفي تعبنا عن كلام الناس .

وكان الشارع الخلفي ..

كلام الناس !! .

 

وأنا ما أدري ..

إذا كنت أعشقك بالحيل ..

وإلا أكره وداعك ؟

 

ولا أدري ..

عن إللي يذل في هالليل

هي أوجاعي أو أوجاعك ؟

 

ولا أدري أصدق مين ..

وأكذّب مين ..

إذا قالوا :

شراك بغالي الإحساس ..

أو باعك ؟

 

طرقت الباب ..

خذني لك .. وصك الباب  !

ترى هالكون من حولي وحولك –

يوجع الأعصاب.

وكن الأرض بحر من الغدر والخوف

وشواطي من حزن وعتاب ! .

نكون أصحاب وإلا ما نكون أصحاب ؟ ! .

 

( 3 )

 

أنا مُتعب ..

أنا مُغضب ..

أنا مسلوب من كل شي ..

إلا غصة فيني  .

 

أشوف الكل في حيرة ..

وأنا بحيرة ..

على وين السهر هذا بيود يني ؟

 

 

يجي صبح ويعّدي صبح

ولا نور يقديني

ولا شمس تدفيني ، ولا أحباب.

شقيت ، وضاق صدري من حياة الغاب ؟!

وش الأسباب ؟

لا تسأل لا تسأل عن الأسباب ‍ ..

نكون أصحاب ، وإلا ما نكون أصحاب ؟ !

 

ضاحية سالم ..سبتمبر

2001