قلت :وش يدريك ؟
قال: ناس وناس تحكي في الغياب وفيك
بعضهم فرّجت غمّه
وبعضهم أحرقت دمّه
وبعضهم يا كبر همّه ..
لو حضر طاريك ؟!
قلت: وش يدريك ؟
قال: شفتك في هروج أهل الملامه
حرقة جروح وفضوح
تفضح إحساس الغمامه
وكل شوق يعتريك.
وبالسلامه لو تروح ..
ولو تجي الله معاك وبالسلامه ..
والله مهنيك !!
قلت: وش يدريك ؟
قال : بين البوح والروح المشاعر
من قهرها صار طين …
ومن نصرها صار شاعر
ومن ملك عين اليقين
ما عليه من النجوم ..
ولا عليه من المظاهر
يسهرون العالمين ..
ويرقد ، ولا فيه غير القلب ساهر!
يا ولد : شب المباخر من عطر ماضيك ..
قلت وش يدريك ؟ ! .
1999