( 1 )
قال لي ( الكّنـاس )
من شان أمي وزوجتي وبنيّتي
أكنِس قمامتكم عن خدود الشوارع..
وأسال الله الخلاص .
لا تظن إني صَخِر
ما يوجع ضلوعي الكلام..
أنا بشر .. وآلآم
وحلال يجلدني الحكي ..
لكن حرام
أشوف دمعة من عيون إللي أحبه تنهمر ..
وآنام ؟!
( 2 )
أولىّ مثل أوَلّك
وآخرْك مثلي ، للتراب .
إنتْ تاطاه بقدمْك..
وأنا أبعده عن خطوتك.. وألقى ثواب ؟!
من يا تراه إللي أحق بها الحياه ، يا محترم.
إللي يدوّر راحتك..
ولا أنت يا شيخ الشباب ؟
قلت للكناس : بس
وإحترمت النفس.. وإحترمت الناس .