(للشوق همس)

(1)

الفجر لاح ..

كنه الفجر إللي راح ..

ولا جديد يا صاحبي ..

هذا الصباح .

(2)

الخامسه إلا دقايق خمس..

يا ضيقتك يالنفس ..

ستاير بلون الحزن .. وقلب من الحسره يون .

وهم بقى من أمس .

وغيم مع أنفاسي رقى

ودمع سقا غرس الشقا

وللشوق همس وهمس .

المعذرة يالنور

لو تشوف قصور ..

مثل ما عينك ترى مودع ومهجور ..

لا هنا لا أنس عندي ..

لا فرح وسرور …

المواجع تشتكي ..

والمدامع تشتكي …

وراعي الشعر مقهور ..

(3)

يا شريط الذكريات ..

إرجع وقلي يربك ..

هو صحيح الحب مات ..

هو صحيح إن العذارى ..

للسهارى .. للحيارى

فاتنات ساحرات خاينات …؟

هو صحيح إن الأمل ..

بيعود في هذى الحياة ..؟