(قلبين.. وعناد .. وصبر)

(1)

هذا الهوى ..

ود وصد .. جزر ومد

مثل البحر ماله مقر ..

مثل الوتد .

قلبين وعناد وصبر

هذا يشد وذا يشد .

إما هزيمة أونصر

وإما سكون ..

يسبق زئير العاصفه

هذا الهوى ..

وأظن مثلك عارفة .

(2)

لي جرح مسكون بأمل

يخفف آلامه

يعطي ..ولا عمره بخل

ولا جفت أقلامه .

عانى وعند الله خفايا قصته

ماضي مضى وحاضر يجدد لوعته

ما يشتكي ..

خوف وخجل

يا لايمي ليش الزعل ..؟

يا لايمي .. أكيد عندك عاطفه

هذا الهوى ..

واظن مثلك عارفه .

لا نامت عيون الصدق

في الليل والخافق خفق ..

خفقة وفا ..

وخفقة قهر .. يا شينها

زيف العشق .. يا ما حرق ..

ويا كثر ما عذب بشر

يا قلب شفها شايفه

يا قلب شفها خايفه

هذا الهوى ..

وأظن مثلك عارفه .