(مـن مـتـى ؟)

( 1 )

من متى .. وإنتى شتا ..

عين تهل ..

وقلب كسا غصونه جليد ..

من متى ..وإنتي خيال ..

غارقه بليل بعيد ..

لا قديم ولا جديد ..

من متى وإنتي وهن ..

ما انتهى دائم يزيد ..

أنا أسألك ..

وإلى متى وأنا أسألك ..؟

(2)

قبلي وش الدنيا معك..

قولي وش إللي يمنعك ..؟

قبلي صحيح كانت شتا.. ؟!

وكانت جليد .. وكانت خيال ..؟!

قبلي صحيح إني بعينك

واقع صعب ومحال ؟

قبلي من إللي علمك ..

إن الدفا إنتي .. وإن الصفا إنتي ..

وإن الفصول الأربعة .. وملح الفصول إنتي ؟!

قبلي أنا ودي أشوفك ..

وين ما كنتي .

يا شاعرة .. من وين أنا وسط القصيد المنتحــر ..

من أوله .. من آخره .. أو من قصيد ما ظهــر..

من أي معنى إبتدا..

وفي أي معنى إنتهى ؟

يا شاعرة : متى كتبتيني حبيب

ومتى عرفتيني حبيب ..؟

ومتى سكنتيني حبيب ..؟

وشمسي لهيب في لهيب .. ما تحب إلا المغيب .

(3)

يا مستجيرة من العنا بالهم ..

يالايذّه بالصمت .. نار الصمت ما ترحم ..

الحال صعب وكل ما في الحال صعب

إنك تروحي صعب ..

إنك تظلي صعب ..

وإني أحبك فوق حبك لي قرار صعب .

وإنك تحبي زود عن حبي قرار صعب .

حال المحبة صعب .

يا شاعرة .. من متى وأنا أقول ..

وكلي رجا وكلي ذبول ..

بلا ش هذا الحب .