( الـعـالـم قـصـيـد )

( 1 )

عاتبيني بالقصيد ..

وغاضبيني بالقصيد ..

أسألك يا بنت أبوى الليل ..

وش قلبك حديد ..؟!

هو صحيح إنك عرفتيني قصيد ..؟!

هو صحيح إنك عشقتيني قصيد ..؟!

هو صحيح إنك وهم وإني قصيد ..؟!

آه لا كنتي ولا كان القصيد .

( 2 )

أتحسر كل ما مر الزمان أكثر وأكثر ..

وأتحير كيف أنا الإنسان صرت اليوم أصغر ..

كيف أكون بعينها صوره بجريده ..

كيف أكون حروف واسطر؟!

وينها وين المشاعر ..؟!

آه يا عصر المظاهر ..؟!

باعلن الثورة عليك ..

وباتبدون .. وأتأخر .. عنك فيك .

وبترك الكون يتحضّـر .

( 3 )

لعنبو الإسمنت والسلك النحاسي ..

كم خلق فينا مآسي ..

كم غرس ف الجوف رمح ..

وكم طعن قلب يقــاسي ..

( دان دآنه .. مال عود الخيزرانه )

الغرام أقفى زمـــــانه ..

زيدوا الدلّه بهار .. وعطروه بزعفرانه ..

ما غدا للصدق طعم .. ولا إحترام ولا مكانه ..

كلنا عشاق ليل ..

وكلنا مجرم أمانه ..

يا كلامي ما تفيد .. إسكت وخلك بعيد ..

وإترك الحلوه تحب ..

طالما العــالم قصيد .