(بتروّحي)

(1)

بتروّحي ……

مثل اللي قبلك روحوا

يم الشتا الماضي

وبيصير حبك والهوى

شي من الماضي…..

قلبي وأعرف إنه تعب

ما عاد يتحمل كذب

لا تخدعي ولا تجرحي ….ولا تفرحي

قد قلتها ……. بتروّحي

(2)

مسّي على الليل

ونامي على كفوف الوهم

طبعي أبد ما ينفهم

الزيف ماله شمس

والحلم شي من العدم

يا للي عباتك من سهر – خلي السهر لاهله

ولا تكتبي سطور الشعر – بالروج والكحله

لا تخدعي ولا تجرحي ….ولا تفرحي

قد قلتها ……. بتروّحي .

(3)

لمي الورق

ولمي بقايا الهّم

ولا تنطري …..

كلمة هلا أو سّم

زفي الأمل للياس

وزفي الخبر للناس

إنتي خلاص……

كذبة ولا يمكن تكون

مالك أثر ……..

حتى ولا بشوف العيون

لا تخدعي ولا تجرحي ….ولا تفرحي

قد قلتها ……. بتروّحي .