(1)
العذر .. وش عاد بيفيد
مرت سواري الليل –مرت
والحلم أصبح بعيد
وأصبحت ياحبي عدم
سهد وألم …
وصرت ياقلبي وحيد
والعذر وش عاد بيفيد.
(2)
كنتي زمان … وأنا اعترف.
كنتي الأماني والأغاني
وصوت قلبي لاهتف.
كنتي الرفيق إللي رفق
كنتي الصديق إللي صدق
والصاحب إللي لا وقفت..
عندي وقف.
وشتان مابين الزمان إللي مضى
وهذا الزمان.
والعذر وش عاد بيفيد.
(3)
أحلى القصيد إللي كتبته في عيونك ..مات.
وعمري إللي أخلصلك غدا في زحمة الآهات
واليوم ما أظن الدموع إللي تهل
بتعيد روح العاشق إللي انقتل
إللي طعنتيه بظهر
إللي ذبحتيه بغدر
روحي اسكني في قلب غيره واجرحي..
والعذر ما عاد بيفيد.