(1)
يا فَناري …
يوم تاهَت بي البَحار
يا نهَاري ..
يوم عَزّ الإنتظار
مَركبي في ليل البَحر عاش العُمر
مَركَبي يا أغلى البَشر تحتِ الأمر
وخافِقي بـحّار .
جيت والدِنيا ورايّ
جيت أدوّر عَن هّواي
جيت واللهفَة مَعاي
وكل هَمّي ..
إني أرسي في عيونك وأندفن كِلي بَها
وأتكفّن في فُنونِك يا تِباريحَ البَها
يا قدر خذني لها ..
موجِتي تِضحَك على هَشّ الصَخَر
موجتي ما تِحتَمل كِثر الصَبر
(2)
ودي آصل .. وما عليّ من الـخَطَر
حيل أحبك حيل وأشواقي دِليل
ومستَحيل الـحُب يِخفي مَستحيل
صورتِك شوفي .. وهَمساتك حُروفي
وبَسمِتِك هيّ الدُوا بأصعَب ظُروفي
يا هَنا روحي خِذيني
وأجرِحيني وعالِـجيني
وإمسِحيني من جُفونِ الوَجد مرّة
وإبعديني عنَ لِهيبَ البُعد مَرة
وأعذِريني .. لو يِطول عِندِك وقوفي
وبَعد هَذا …
كان تِبغي .. وإدِعيني .