(1)
عَلِميني الـحُب ..
أنا ما أعرِف لغاتـَه
عَلِميني وِش يِكون .. وِش حَياتَه
ما سَبَق إني هَويت قَبلِك بَشَر
ما عَرَف جَفني قَبلِ عِرفِك سَهَر
دُوبِنّي في الـحُب يا حُبي وِليد
وصَدقيني كِل شَي حَولي جِديد
وعَلِميني الـحُب
قِد حَكوني النّاس عَنّه خوفوني
قالوا دروبـَه عَسيرة
قالوا شطوطَه كِثيرة
كِلّها هَمٍ وحيـرَة ..
(2)
رَوّعوني من جُنونه ومِن فِتونـَه
وِترِكوني .. لين شِفتِك يا عِيوني
وفي عُيونِك مُفرداتـَه
وعَلِميني الـحُب .. أنا ما عرفت لـُغاتـَه .
ليتِني أقدَر أعِبّـر عَن شِعوري
بَعد ما صِرتي الـمَعاني في سِطوري
بَعد ما رِحتي وتِـهتي في بُـحوري
لَيتني مِنك أجِي .. ومِنّك أروح
ياللي صِرتي في حَياتي
كلِ قَلب وكِل رَوح
يا مَلاك إحتَرت في روعةً حَـلاتـَه
عَلميني الـحُب .. أنا ما أعرِف لـُغاتـَه .