(1)
حنين وشوق ..
أعيش هناك أنا يَمّه
على شاطي البحر وحدي
ألم الجرح في بعدي
وأنا ظامي ..
ولا يروي ظماي اليّم يا يّـمه
مع أحلامي ..
مع آمالِ تبي همّـه
أعيش هناك أنا يَـمّه..
(2)
أنا مشتاق لعيونك
من جدار الزمن يّمـه
أنا مشتاق للديره والجيران
وِش أخبار الربع يَمّه..؟
وشارعنا وِش أخباره ..
قناديل البحر والفي
ما هي في عيوني _ ما هي شي
أبد ما غير ديرتنا الشمالية
أبد ما يحرك شجوني
لياليها وأغانيها
روابيها ومرابيها
وضحكة حب ( نبكية )
أدورها وأدروها
وأحس أني …
غريب بدونها يـمة
حنين بداخلي بيعيش
حنين بناظري ينشاف
(3)
يعرّفه كل من شم النسيم (بكاف )
صخور الملح أغليها وأغليها
غلا الديرة لأهاليها
وغلا المـيّة لواديها
حبيبة قلبي الحلوة
حلا الدنيا وما فيها
ترى الآهات ( يا قريات )
غَدّتْ بأسْبابِك حروف وحبر وأشواق
غَدّتْ أشعار وحكايات
أنا نَبْتَة على أرضك بديت أكبر
وحُبك داخلي أثْـمَر
ومهما صار ومهما صار
أنا عنك أبد ما أكبر
يا دنياي في أمسي
وفي يومي وفي بُكرى
يا آمال يا ذكرى
ويا جنة أدورها وأدورها
وأحس أني غريب بدونها يـمّه
يُـمُر الوقت
وأشواقي تزيد أكثر
يُـمُر الوقت
وعلى بعدك أنا با أصبر
يُـمُر الوقت
وإنتي قطعة السكر .