( رســالة إلى الأشـــواق )

(1)

آه يا الأشواق ..

لا رحمتينا لقا .. ورحمتينا فراق ؟

كل صدر ضاق ..

علمينا وش بقى .. حالنا بك ما يطاق .. ؟

من توخي الستر جيتي تفضحينه ..

ومن توقي الحر نديتي جبينه …

ومن تباعد عن عيونك تتبعينه … ؟؟؟؟؟؟

في السكوت وما إنتهينا ..

وفي الكلام ما قضينا ..

في الشوارع في المهاجع ..

في السفر في زحمة الترحال معنا …

وين ما رحنا وجينا … ؟

ندري أنك نار تآكل بعضها ..

لا جزا الله خير من بيده شعلها .

الغضب والشوك غطى أرضها ..

واهناه اللي بعيد ما وصلها .

 

(2)

آه يا الأشواق ..

والله إنا وآجد أصدق سواد الليل …

والله إن أحرار ما نرضى جنوح وميل …

والله إن في محبتنا وغايتنا ( رجاجيل )

ريحك اللي في دورنا صارت تمر ..

وغبنك وتجريحك اللي .. صار يقهرنا قهر ..

صعب يا الأشواق فينا يستمر .

بسم كل إحساس ما يرضى الهوان ..

وبسم كل الشعور في هذا الزمان ..

وبسم مخلوق تناسيتيه .. وهو الإنسان …

عاملينا في آدب ..

وإجريحينا في آدب ..

وإفهمينا في آدب ..

و( أدينا ) في آدب ..

منتهى الإفلاس يا أشواقنا ( قل الأدب )

التمادي ذا صعب ..
وما وراه إلا المهانة والمشقة والتعب .

علمينا الكذب يا الأشواق أكثر ..

لين جيل الزيف يظهر ثم يكبر ..

ولين بركان يتفجر ………

وكان هو خطر هوانا

أنتي يا الأشواق أخطر ………