(متباعدين)

(1)

مِتباعِدين .. ولو حَظِنا قال أنتِلاقا

ومِتواعِدين .. لكن أبد ما إحنا رِفاقا

إحساسِنا .. قاع وسِـما

وعُمرَ السِما ما عانَقَت صَدرَ الثَرى .. إلا بدِموع

وإللي حَصَل ما بيننا صار وجَرَى .. ولا للرِجوع

أخاف إني أجرِحِك .. أو تجرَحين .

وأخاف يوم أقطِعِك .. أو تقطعين .

ياللي رِسَـمتي لي الـهَوىَ باأحلى الصُورّ ..

أكيد ما عِندِك خَبَـر ..

إنَ الـهَوى عِندي أنا نار وقَهَر .

وإنّ الفُؤاد بداخِلي .. كِلّه عِناد

عَجول ما يِقوى الصَبر

باللي رِسمتيني أحاسيس ونَغَم

ما أبي تِشوفيني ألـَم

قولي معي .. لا للهوَى لا للحِنين

أخاف إني أجرِحِك أو تجرحين .

وأخاف يومٍ أقطِعِك .. أو تقطَعين .

(2)

بيني وبيني ما أبي الفَرقا تِصير

وبيني وبينِك الفُراق هُوّ الـمِـصير ..

لا تاخِذيني بذَنب حَظي وتِزعَلي ..

الله ولا هَذا الزَعَل

ولا تِـحكمين بحكم ضيم وتِعجَلي ..

خِذي المسال بالـمَهَل .

باظَل أحِبِك وأعشِقِك ..

عشقَ الليالي للِنهار

ومالِك خَيار

خَلي الغُروب ..

ذكرى القلوب في كِلِ حين .

أخاف إني أجرِحِك أو تِـجرَحين

أخاف يومٍ أقطِعِك أو تِقطَعين .