( طـارت الـريـح )

( 1 )

سيّدي: طارت الريح..

من يشيل جناح قلبي سيّدي ؟!

من يهـيّـض هالزعيم

ومن يلمّه لو كفخ يا سيّدي !!

ومن يغص بحلق دنيا الهم من حولي

ويحضر مولدي !!

لا تشب ثياب صمتك

لا تظن إني ردي!

باالمختصر..

الريح ما عادت تمر ..

والأمر ما هو في يدي00ياسيّدي

( 2 )

في ضحى العشرين

كان التين حالي 00 كان طعمه زين

وكان لي عشرين تينه

وكل تينه

كان لي معها سوالف

تحت ظل مضمخٍ بالياسمينه

وكنت أظن الغصن إلا ميّل يِـحِنْ

أحسبه روحٍ وطينة

وآتعجب من وفاه ومن حنينه ؟!

وأحسب الأشجار حولي

من بنات الطين ؟!

( 3 )

في ضحى العشرين..

كنت أغوص وكل مرة

أكشف أعماقي بدُرّة

وكنت من زود المسرّ ة

أسبق أحلام السنين .

كنت أصدق كل شي..

وكنت أحس بكل شي..

وكنت أشوف الميت ميت

وكنت أشوف الحيْ حيْ.

الشمس كانت في يميني

وباليسار الفيْ .

وكانت الدنيا تحت عيني صغيرة

كنّها طِـفِل يْعَدي .. يا سيّدي

وما كِـنت أعرْف من البكا غير الدموع !!

ولا كِـنت أعرْف من السهر غير الشموع.

كان الحـِزِن يا سيّدي ممنوع

بس الريح طارت ..

من يشيل جناح قلبي سيّدي؟

 

جــــــــــــدة

      1998