( إضـحـكـي )

 

(1)

إضحكي ..

لكن ترى هالضحك ..

ما يبري جراح

ولا يبل أرياق.

إضحكي ..

وبأجاملك للصبح

وأدري الصبح، صبح وينتهي..

أو يبتدي بفراق ..!

إضحكي..

ولـِك العذر

هذا الوجع والضيم والموت الـحَمَر..

جلاد ما ينطاق.

إضحكي

وأبـشعلك بيني وبيني

وأبـنثرك من أصبعيني

وأحرق الأوراق !

الله يسعد ضحكتك..

( 2 )

فيروز غنّت أو بدا النيروز

لا تفرحي بلحظة فرح..

لا تحلمي بالفوز! .

خلاص قلبي كَنّ..

وقلبِك غدا لضيف الحزن.. محجوز.

يا مَتعب الدنيا خَذَتْ كِلْ شي ..

ولا زالت تبي.. وهل مِن مزيد؟!

ويا مـِتعب كتوفك

وهي دنيا ، ولا أدنى من كذا..

كومة من تراب وعبيد .

يا عيد عجّل ، أَو تحزّم بالصبر يا عيد..

براحتك يا عيد..!

ما بيننا نجــوى ولا مشتاق

ولا فيك ما يسوى ولا ينذاق

يا مُرّك ولو صارت الضحكة طعم..

مثل الوهم.. ترياق!!

ما بعد موت العبرتين عناق!!

إضحكي..

لكن ترى هالضحك..

ما يبري جراح

ولا يبل إرياق ؟!

إضحكي ..

وبأجاملك للصبح..

وأدري الصبح ، صبح وينتهي..

أو يبتدي بفراق.؟!

 

عـمـان … ينـاير

      2000