( 1 )
أفهمك .. وش فيك شايفني غبيّة ؟!
أو تشوف إني مثل بعض النسا عقلي شوية ؟!
لا تحاول تستفز أنوثتي
ما آلين ، وإن لآن الحشى لك أو خضع غصبٍ عليه
ما آلين غير إن شفت دمعك
يركع و يسجد على شباك قلبي
أو على عَسْجِد يِدَيَه !
أفهمك .. فنان يطربك الخجل
لا شفت فجره في الخدود المستحّيه .
و أفهمك .. ( ياالصايع )الـمغتّر بأمجاد الغزل ..
ياأبو الغزل والنرجسية !
وأفهمك عذب النبا على السجيّة
كن روحك .. مزنةٍ تسقي عروق الـمهمهية !!
مرتكي فوق السحاب
وبارد الأعصاب لكن .. فيك نار الجاذبية .
وش تبي .. كلمة أحبك ؟؟
ما أحبك
بس أموت بكل صوت تغرّده صبح وعشية !
وش تبي .. كلمة عشقتك ؟؟
ما عشقتك ..
لكن إحساسك ذبحني وإفترى باأحلى صبيّة !
أفهمك ..
وأحتاج وقت أستانسك وأثقل عليك ..
قبل ما تثقل على مغليك
أفهمك..
يعني أبيك
يالغبي أصبر عليّه ..
أفهمك ماني غبية ..!!
قلت أدري .. بس ما شاالله
إنتى أكثر من ذكية !! .
( 2 )
يوم رَفْرَفْت بجناحي
كنت صاحي
ويوم علّيت انطفيت !.
شفتك وضيّعت ليلي من صباحي ..
يا شروق المستحيل إللي هويت.
إنتي أشقر من سمار البنُ .. وأسمر من شقاره !!
وأبيض إحساس بهالدنيا غرس فيني خضاره !!
وإنتي إللي كل ما عنّت فرس حبك عليْ ..
آشِن غارة .
وأخطفك من وسط همي ..
وأهزم الياس بجدارة ! .
آه يا شهد المحطات الحميمة ..
يا نديمة ..
كلها ذوق وحضارة
إشعليني .. وجرّبي طعمي .. !!
وبلا هذي ( السِجارة ) .
عمـــان
1999