( قـالـت )

( 1 )

قالت : تحب الموج

وإلا الموج ما يِغْريك يا الطامح ؟!

قلت البحر مالح ..!!

خذيني للنهر ، ذليت من شرب الظما ..

ومليت من ليه ولما، ما تشرقين ..

ويشرق البارح ؟!

أشوف وجهك .. بس ما أشوفه بكفي .؟

ولا يكفي .. ولا يدفيني أشوفك بس ……..

أنا محتاج أصافح !

برد ، والمترين حرق

وداخل القلبين عشق ، نار، أسرار، وفضايح .

وبين هالعينين رمشين ، وحدى الرمشين جارح ؟!

قالت:  إسكت لا تبوح .. الحال ( بايح ).!!

إنت من علياك طايح ، جيت رايح

لكن إش ذنبك نزحت ؟

قلت شفاف الجوارح ..

قالت : إن ضاقت سرحت ؟؟

قلت : وإن راقت أسامح

قالت : إسمك لو سمحت ..؟

قلت لين اليوم ( صالح  )

 

( 2 )

قالت : تحب الموج ..

ولاّ الموج ما يرضي غرورك ..؟

قول عـّبر عن شعورك ..

وش تحس إن شفت موجة تحتفل ساعة حضورك ؟

تحتريك ..

تثير فيك الإرتفاع الشاهق

وتنـزل تزورك ؟

قلت أحس إنك تموجي بالحشا ..

أو تحميليني فوق فوق

قالت : روق

أحرجتني بالحيل

وأخجلني من البارح سرورك

أكتب الباقي بعيد ..

( تكمل )

 

جــــدة

1997