( 1 )
تموت لين الإنبعاث ، وتحترق ..
وفي نار غيرتها .. تموت !
ولو ماحكت ..
في عيونها شمس القهر .. تفضح سواليف السكوت .. !!
أنثى من احساس وسهر ودموع
في شرعها ما تعرف الممنوع .
إلا التمادي في سرير غيابها .. ممنوع ؟! .
أنثى .. تكسّرها الظنون ، الطاعنة بالشك !!
ولو صادتك .. والله ثم والله ماتفتّك ..!!
ولو شافتك في يوم مع ظلك ..
تراها بتجرحك كلك ..
(وربك ، يستر الموضوع .!!)
هذا مكانك ، انت مذنب وإنسجن ..
وهذا العنب والتوت ..
وش حاجتك في غيرها .. وفيها الحياة..؟!
وفي غيرها بتموت .!!
يعني مع الغير.. بجهنّم غيضها بتموت ..
أو هي من الغيرة عليك من الوهم .. بتموت .
والعشق فن الموت .
( 2 )
من يقنعك .. ياالغيمة إنك ماتهلين المطر !!
من يمنع اعصارك .. إذا هب الهوى .. وهاج البحر .. !!
أنا أعرفك من ألف عام ..
جزيرة احلام وكلام
ومالك مفر من الغرام ؟!
ومالك من جنونك مفر !!
غيور يابنت الوهج والنور –
واللي فجرّك فتنة تزلزلني .. غيور ..
غيور .. من زول الظبا
و ريح الصبا
و غيور من سحر العطور !
وما ودك الا انك تكونين الظبا .. وريح الصبا .. وسحر العطور !!
وما ودك الا انك تكوني آخرآخر من سكن قلبي و علىّ السور !!
وما ودك إلا ان العذارى كلهن بعدك يصيرن نار في تنور !!
غيور.. والشاعر بجمرك صار طيب ..
وعندليب من البشر ..يصدح ، واحاسيسه بخور !
يابنت .. موتي واشبعي .. وجوعي وأجي لك موت ..
العشق فن الموت !!
( 3 )
لا تكسري قلبي على ساحل وجع
الله خلق طبعي كذا ..
فوضى قناعات وطمع . !
لا تصدقي .. إني أعاف الحور ، وإنتي ستهن
ولا تصدقين إني أعيش بدونهن .. يا غيضهن
أحبهن .. واعشق مرايا حسنهن .. تدرين ليه ..؟
لأنهن مثلك ومثلك كلهّن ..
ذوق ودلع .. !
ولو كنتي أرفع مستوى ..
ولو كنتي أجمل من سطع .
ولو كان قلبي لغير حبك ماركع .. !
لا شفتهن .. أتذكرك وأرجع ..
وأشوف عيونك تغني بشوووووووووق
حبيبي الغالي رجع !
حبيبي الغالي رجع !
عمـــان
2001