كلمات الشاعر الدكتور : صالح الشادي
ألحان : خالد فواز – رحمه الله –
غناء : عبدالعزيز العليوي
توزيع وتريات : أحمد العسال
مكس ماستر : محمد المرزوق
كورال : ريكورد تايم
فيدو آرت : ترف
الكلمات
أنا لي زمانٍ كل ما طابت السهرة
شقيت وذكرت اللي سكن وسط وجداني
وسجيت مع طاريه وسجيت مع ذكره
ونسيت الوجود وغبت في عالمٍ ثاني
حبيبٍ اليا من غاب تخنقني العبره
واحس بصدى ذكراه يبحر ويملاني
واقوم اتوجد وجد من هو فقد عمره
واناديه يا عمري متى بس تلقاني؟
وانا ليه ما اموت بهوى فاتن النظرة
وانا ليه ما احبه وهو اجمل الحاني
حبيبي طبيب الروح انا اغليه بالفطرة
ومن الله جمعني به وهو ناظر أعياني
أحبه كثر ما طاح نجم وهمت قطره
وعدد ما اشغل الخاطر بصده وعناني
وعدد مااشرقت شمس وعدد ما اثمرت زهرة
وعدد ماعزف لحن الجفا وهيض أشجاني
واحبه وكبر الكون حبه ويا كثره
ولو جيت اباوصف كبر معناه ما امداني
غزير الحلايا باذخٍ زينه وعطره
وزعيم الجمال وعنده السحر رباني
واحبه ولو يخطي ولو ما ظهر عذره
ولو خيب امالي بطبعه وبكاني
اذا شفت زوله قلت رباه يا سحره
انا الميت اللي كل ما شفته أحياني