علاقه عابرة .. وفتاة مكابرة ..
ورجال سهل !
وانا يابو جهل مليت من هذا الجهل.
ياليت ترحمني ،
وتقلب وجهك الطيني ، وتاريخ الهزل
الروح من دنس طهارتها دنس ..
ثم انكنس من سكة الصدق
وعلى راسه نزل.
والدمع لامنه نزل، وامسى على خد التراب ..
اصبح وحل.
مسكين يالغافي بحظيرة عشق ،
مافيها نخل.
مسكين ياللي تلمس الورده، باحاسيس النحل.
مسكين ياللي عايش ليومك،
ولا به من يلومك،
ولا عندك امل.
الذل انك تترك التاج الرفيع ..
وتلعق غبار النعل!
الذل انك ماتشوف من الشموخ الا الحظيظ .. او السهل.
الذل انك ماتكون الا فحل.
علاقه عابرة .. وفتاه مكابره ورجال سهل.
ياقليلين الشعور ،تعلموا حب الزهور.
تعلمو عشق الزهور..
ولاتقطفو هذا الرجا الموصول مابين المعاني والعطور.
النور لو نطفيه بايدينا ..عمينا ..
وارهبتنا دورنا ببرودها ، في وحشة الديجور.
والحور ،هذا الباسق المغرور ، دلوع الشجر..
لو نقطع غصونه يشين ولا يسر ..
ولو هو تمايل من طرب وسرور.
والتينة اللي عاث فيها الطير ..
غير التينه اللي ماوصلها غيرك انت من الطيور.
والنفس فيها عزة لو تنتهي .. اشرف لنا من هالحياة القاصيات من القبور.
وطبيعة الدنيا تدور ،
وكلنا بالدور .. ولا فيها زعل
الحب ماهو بالعسل ..
الحب ماهو موعد وليلة دجل
الحب انسان نبيل يحلم ولا عمره وصل.
ماهو علاقه عابره ولا فتاه مكابره ولا رجال سهل.
يامبعدة ومعربدة فيني خيال وطيف..
انا جار الضحى والضي ،
وقلبي حي ،
ماله بالسخم والحيف.
وربي ماخلقني مثل زي وزيي ..
غيمهةاو سحابة صيف.
احب انك تكونيني ..
واكونك شي ..
ماله وصف او تعريف.
إذا زاد الجفاف .. المي ..
وإذا زاد الخلاف .. السيف .
وبلا هالظن في ربعي،
و بلا هالطعن في طبعي ..
وبلا تخريف.
احبك ايه احبك ايه احبك ..
ولو تقولي خان..!
انا عازف عن القطعان ، واهل الزيف.