( يستاهل التكريم )

(1)

يعني عقب ما ينطفي .. أو يختفي ..

يصير له ما بيننا ..

قدر ومقام وإسم ! ؟

يعني عقب ما تنخرب داره ودار اللي وراه ..

نقول : ( يا الله ..

يا هو كان ..

يا هو مبدع وإنسان ..

وله بالحضارة وسم ..!؟ )

(2)

ليه مفهوم الرقي بعرفنا صار الحجر .. ؟

ليه ننسى حاجة الفنان للأحضان ..

لشوية وفا ..

ليه ننسى إنه بشر ..؟

ليه نبخس ( بالكنوز ) !؟

ليه كل شي ما يجوز !؟

ليه ما نذكر قمرنا وهو معانا ..

وهو ( عجوز ) ؟

ليه نتحسف عليه .. بس لازار القبر !؟

ليه تآكلنا الضغينة والحسد لا صار عايش ..؟؟

ليه لا نادي نصك بطلته باب ودراويش ؟؟

ليه ما فينا كريم ..!!

الجحود أمر صعب ..

والتجافي ظلم والله العظيم .

البارحة يا ديرتي :

( مات السليم ) .