ياخساره ما هقيت بسرعة البرق يتبدد
حاضر وماضي بنيته بالموده والأخوه
يا خساره ما هقيت ولاطرالى يومن أصعد
فوق منبار الصداقه اسقط بلحظه بهوه
ويا حسافه في زمان ما فرق نذل عن أصيد
فيه ينظر للوفا والصدق من خرم بكوه
ما ينول الحق ربه غير لاقفى وأبعد
حين يظهر للعجل بعد التريث شي جوه
ويش أقول وكل حي من الملا بارك وعيد
ما انسمع عذرى ولا لي عقب فات الفوت قوه
الحلم أصبح قرار فوق الأوراق يتقيد
والحليم إللي نعرفه كان في عصر النبوه
صاحبي وأغلى الرفاقه عن مسار العدل هود
يومه أنكر كل عرف للمعزه والمروه
باعني بأسباب غلطه ما عني فيها وكود
يحسب إني قاصد فيها الأساءه والتشوه
ما قرى بيت القصيده ( بالتمعن ما تعود )
عاذره لو ما عذرني ( عادته ما هي مسوه )
بالدجل رد اعتذاري وفى مراديده تجود
الغضب أعمى فؤاده وانفعل وانحاش ضوه
يحسب مزوحى القديمه دايره دوم تجدد
ما درى أن الحكايه بالنهايه صدق هفوه
سوء ظنه حاس فكلرى وكدر أحوالى وسود
وسرعته في الحكم أصبح فعلها مفعول شهوه
اتركت فيني شعور بالحشا ما يوم وتد
الشعور انى بدنيا ما بها مخلوق نقوه
واتركت فينى جروح من جروح الحب اكود
ماتت الأمال فيها ما تبي طب وشفوه
ما أبى منك السموحه فالسموحه منك مبرد
تاكل الاحساس منى وتبدله شقوه بشقوه
الصديق إللي عرفته مات ما ظنه يعود
ويا عسى دمع ذرفت اليوم يسقيه ويروه