( هـجـرة عـقـول .. )

من أول الهجرة ..

وإلى هاليوم .. كم فرقا

وكم هجرة عقول ؟!

والعرب ..

يا طيب أراضيهم ..

ويا خيبة أملهم

بالسنابل والبلابل والهطول !!

 

الشوارع فارغة ..

رغم إكتظاظ الطين

والدنيا صبر

والزاهدين بمتحف العمر استراحوا ..

والأمل مشغول ؟

الجسد جلاد روح ..

وكل روح لا هزمها الضيم ترحل

أو تبوح بِلُبَها لجل الخلاص

وربها مسؤول .

 

والهروب دروب ..

وأيسر درب لو يمشيه صاحي ..

عوّد وجاك مهبول .

والحلول خيول ما عسفت ..

ولا في بيد أمانينا خيول ؟

 

 

وللسفر قصة ..

نسجها الخوف من شح السنين ..

وكشرة المجهول ؟

وش يخلى الشاعر اللي في محلي ..

وش يقول ؟

الظما ذل الحناجر يا صديقي ..

والكلام يطول ؟ .

 

( 2 )

 

قلت له من وين .. ؟

قال : من الوطن ..

من المحيط من الخليج

من البقاع ومن عدن !!

( عقل ) وأدور عن وجود يحتويني ..

وعن زمن !!

 

(حيرة) تبي ترتاح ..

من ليه

ولماذا

وربما

وكلا

ولن !

و(إحساس ) من فقر الوفا والطيب

فض من البدن ؟!

ونفس عزيزه حيل حيل

وخاطر ٍ ماله ثمن ..!

 

الجوع  يا صاحب يهون ..

والبعد يا صاحب يهون ..

ما دام في عرش السما ..

واهب ورزّاق وحنون!

يعطي ..

وإلى منّه عطى ما منّ !

 

وقل ما تبي ..

قل فارق الراس وضعن وإنجن !

قل أعجبه ( كنعان ) أبو الأسفار …

قل ثار ..

قل صار إبن لذي يزن !

وقل ما تقول .. ولو تقول ..آقول :

الظما ذل الحناجر يا صديقي ..

والكلام يطول!

 

القـاهــــرة