(هذي تصاريف القدر)

(1)

هَذي تَصاريفَ القِدَر

ليتَ العَزيزَة تِنتِظر

ومالي أنا غَـير الصَبر

الله يِرحمَ حالِتي

حالِ السَهَر .. حالِ الكَدَر

ليلَ العَذاب

وصُبحَ الـهَنا إللي ما ظَهَر

أحِبّها .. أحِبّها

لكِن حُظوظي عاثِرَة

كِلّ الدُروب إلليّ تِودي يَـمّها

كِلها دُروب غادِرَة

حَتىّ الظُروف مغايِرَة

والناس والدِنيا وهَلي ..

حَتى هَلي .. ما قَصرّوا

وينَ الطِريق ..

ضِعنا ولا شِفنا طِريق

وإليّا مِتى هَذا الصَبر

وإليّا مِتى هَذا العَذاب

وإليّا مِتى وإليّا مِتى ..؟

(2)

في كلِ يَوم

ناسٍ تِعاتِبني وتِلوم .. وتزيدَ في قَلبي الـهُموم

يا ليتَهم .. يا ليتَهم مِثلي يعيشونَ الـهَوى

يا ليتَهم يَدرون وِش هَذا الـهَوى ..؟

غَصبٍ علي .. ما هو بيّدي

أزعلت كِلَ إللي عَرَفت

وإللي عَرفني وما عَرَفت

أزعَلت روحي مِن شِقاي

أزعَلت ربَعي ورفقاي

وأزعَلت مَـحبوبَة هَواي

ومَعذور أنا ..

مَعذور يا راعي هَواي

هَذي تِصاريف القِدَر ..