(مَشكـور يا دود الشجـر)

( 1 )

مِن وين أروح ..

وكل العذارى روح ..

وأنا جَسد مَذبوح..

يِشفق على سنين مَضت ..

شَعر وحنين ونوح ..

في دِنية ..

كان السهر فيها طريق..

وكان القهر فيها رفيق..

وكان التمّني حالـها ..

كانت فرس .. وِكنت أنا خيّالها .

(2)

يا كُل إنثى بها الوجود ..

أنا بعيد – خلف الحدود..

في قاع مَفقود الأمل ..

مَربوط بِجذوع النخل..

وِياي سيّاف عنيد..

إِسمَه قَصيد ..

تِهزني ريح اليتامى والحزن – ويهزني..

يِجزني جوع الصيامى والزمن – وِيجزني..

لا هو قَتلني واستَرحت ..

ولا هو عَتَقني لِوجه ربي وفكّني .

( 3 )

ماضي مَضى وحاضر يَبـي يَمضي مَعي..

وشوك تَحت رِجلي شَرب من مَدمَعي..

وأيام مَعدودة ثوانيها  قَهر..

تَجُرني صوب القَبِـر ..

والدود حولي مِنتشِر ..

يا كِل شرايين الحَبِل..

شِفق على عود نَحِل..

يَبي الحياة تَعود لي عُقُب الأسَر..

وحالي تقول ..

ما ظَل في عُمري عُمُر..

مَشكور يا دود الشَجر.