(ما تتصوري )

(1)

ما تتصوري وشلون.. أنا احترق

لا غّيبت شمسك عن الكون .

تضيق بي كل الدروب

ويحيطني هم يجي من كل صوب

وما آلوم منهو قال أنا مجنون …

فعلا أنا مجنون …

وجنوني العيون.

اللي أصير بدونها ..

ضايع ولا أدري من أكون

وما تتصوري وشلون

تمشي الثواني في وجل

وتغوص أقدام الدقايق في الوحل

لا من تحريت الوصل ..

أو لا ذكرتي لي وعد

كل ما خذاني الوقت يمّه يبتعد

ويفز قلبي ويرتعد

ويرسل ورا الونّة ونين

وآه يالحنين…ليتك تكون وما تكون.

(2)

وما تتصوري وشلون

أصير سرّاق الكرى

لا مر طيفك أو سرى !

وأحس ليلي يحضن الحسرة معي

يصيح يالساعة حرام

يصيح دوري واسرعي

ولاتوقفي ..

إلا إذا بان الوفي.

وأشرق على صمتي الحزين .

وآه ياالحنين – ليتك تكون وما تكون.