(ما ألومها)

( 1 )

ما ألومها

ولا أظنها بتلومني .

هذا قَدّرنا .. نفترق .

واللى عشق ..

الله يعين اللى عشق .

لا صارت الفرقا .. كتاب ..

وما ألومها ..

( 2 )

هي تدري أن الموق ..

لا وادع العبرات ..

صعب يناديها .

وهي تدري أن الحال ..

لا زادت العلات ..

صعب نداويها .

كل خذا رجله طريق ..

وكل غدا شوقه حريق ..

ومهما حصل …

ما ألومها …

( 3 )

يا ما ويا ما عاشقين ..

عقب السنين .. اتفارقوا .

ويا ما تلاقى العاشقين ..

عقب الجفا .. واتعانقوا .

محد يزور بناظره  دنيا الغيوب .

ومحد قرا .. سر الزمان ..

ومهما حصل ..

ما ألومها ..