مامِثِل هالعز عز ولا كِما هالمجد مجد…
قبلة الدنيا هنيا والرياض العاصمة…
والملك عبدالعزيز وقصة استرداد نجد…
مزنةٍ تروي العروق وكل كبدٍ صايمة…
للسمو يادارنا الى السما إلى الأبد ..
ولا عليك من الرعود ومن نفوس غايمة
وفي حمى تاج الزمان أبو الحزم أبو فهد
استظلي.. والطمي ذيك الوجيه الواجمة
ومع أبو سلمان روح المملكة روح البلد
ابشري يادارنا بكل العلوم الغانمة
قايد لله دره شالنا فوق وصعد
وحطنا في قمة القمة وراس القائمة
كلنا جفن وهدب نفس وجسد يدٍ بيد
أمة من فضل رب الكون حرة شايمة
من قديم وهي عظيمة ثابته مثل الوتد
وشامخة مثل الجبال وبالصعيبة والمة
دام عزك ياوطنا ودام مجدك والرغد
ودام بيرقنا يرفرف بالحروف الدايمة
لا إله إلا الإله اللي له الخافق سجد
ولا وطن غيرك وطن عشقٍ وشمس باسمة.