( كومـة غـبا )

كومة غبا تمشي على الرجلين ..

أو كومة قلق ؟!

وين الطريق المحتمل في هالزمن ..

وين الرفيق بها الطرق ؟!

الأرض وعرا ..

والنوايا طين تحت أجساد خدرا ..

ما سرى ما فيها رمق !

والغافلين كثار  طنّش / لا تصّحيهم عساهم للغرق !

 

والناس هم الناس يا بن الناس  ..

إضحك

بعضهم قطعان صيف ويعبرون ..

وبعضهم مبطي نفق !

 

لا يشغلونك بالوفا

بعد الضمير إللي غفى

ولا يخدعونك بالعبق !

 

الزيف يعمي ..

والحقيقة نور (كوّر) شعلته رب الفلق .

 

ما هو لأي إنسان نور الله ..

نور الله يا بن الناس نور إللي صدق !

 

وإن جاك راعي مصلحه

لا تجرحه ..

لكن تغابى وإنصحه

أو امسحه من جبهتك مثل العرق !

 

و(الذوق )..

خل الذوق للي هرجته مثل الحرير..

ومهجته..

مثل الخرق !

 

(الذوق ) صار لباس

يستر عورة الإحساس ، يا بن الناس

والصبر إنفلق .

 

وأنا (طفشت ) من السكوت وطيبتي

وطالت بعيني غيبتي ..

وأخاف أفجر حيرتي ..

وأغيّر ألوان  الشفق ؟!

 

يالعنبوها (دنية)ٍ ما تمهلك ..

(هبله) تجيك مغندره تستهبلك !!

طقة حنك .. وآنا (إلك ) :

ياالشاعر إللي ما سمع همسك جماد إلا نطق

ولا خفوق ، إلا خفق .

 

وإن طحت يوم بيّدها ..

غض الرجا عن وده

إما يبيدك ثلجها ..

أو تحرقك في وهْجها مثل الورق. !

ومن هالعلق ..

الله خلق ..

والله فرق ..

والله رزق .

كومة غبا تمشي على الرجلين

أو كومة قلق ؟! .

 

عـمـان – 2001