( قـصيدتـي )

( 1 )

( قصيدتي ) يا أحلى فرس ..

وأجمل غزالة في الوجود ..

ويا أنبل إحساس .

روحي تغني وإرتعي ..

ما أريدك تموتي معي ..

في حفرة اليأس .

( 2 )

( قصيدتي ) :

إطوي المسافة وانشري موتي زهور..

سيلي سعادة وإغسلي حزن القبور..

مدي يدك وأسقي العطاشى دمعتي..

أبحرت أنا وخليت لجلك واحتي..

روحي تغني وإرتعي ..

ما أريدك تموتي معي ..

في حفرة اليأس .

ظلي حبيبة ..

( 3 )

( قصيدتي ) :

يا حزني اللي رقّص الدنيا طرب..

يا همي اللي وسط الأفراح إنكتب..

لك ما تبين إلا أنا ماني لأحد..

ومقسم قسم ما يُضمني غير اللحد..

روحي تغني وارتعي ..

ما أريدك تموتي معي ..

في حفرة اليأس .

ظلي حبيبة ..

( 4 )

( قصيدتي ) :

إللي بقى ما هو بكثر اللي مضى..

مِثلي ترى ضاقت به الدنيا الفضا..

هاكيه قلبٍ غيرك أنتي ما عشق..

هاكيه وإن قفيت أنا بيدك خفق..

وروحي تغني وارتعي ..

ما أريدك تموتي معي ..

في حفرة اليأس .

وظلي حبيبة .