( غـنـّها )

(1)

غنّـها .. ذي آخر حروفي لها …

موّل آهاتي بصوتك والمشاعر دنّها .

خذ معك خفق المعذب ف الغرام..

هاك حزن المرتجل خله ( مقام )..

وناجها لا عسعس الليل وسكن ..

يمكن تنام في سلام عيونها .. وغنّها.

(2)

حايره .. والشَعر فوضى والملامح في ذهول ..

وكل شيٍ حولها من رقة إحساسه يقول :

إتركيه .. إتركيه ..

وش بقى من العمر حتى .. في انتظاره تحريقيه ؟

الزمن صيّف وشتّا .. والصبر ما عاد فيه ..

والرجا ما فاد فيه ..

شاعرك يا بنت يسبح ف الخيال.

إنتي في جنوب الهوى ..

وهو في الشمال ..

والسعادة وينها ..؟

ما يحبك .. لا .. يحبك ..

أكثر أكثر من كثر ما قال أحبك ..

إيه حبك .. إيه حبك ..

وإعذريه إن خانه المعنى بحبك ..

الهوى في ناظرك وعد ولقا وأحلام ..

الهوى في ناظره سهد وشقا وآلام ..

آه يا أجمل عباد الله بعينه ..

ما بقى به عرقٍ أخضر تذبحينه ..

ما بقى .. إلا الحروف .. إسمعي يا زينها ..؟

وغـنّـها .