على اي حال – صالح الشادي

(على أي حال)

(1)

على أي حال ..

أنا ما يهم إن عرفت الإجابة ..

أو نسيت السؤال ..

لأني مثل ما ذكرتي خيال

لأنك تحبين فكري وشعري ..

وتحبين ذاتي ، بكل إحتمال !

ولأن الحقيقة غريقه.. غريقه ..

تحت هالرمال .

تعالي متى ما هبت الريح يمي تعالي

أنا لك لحالي ..

وأنا للوصال .

تعالي متى ما ضاق صدرك تعالي ..

وأنا لك ليالي ومساحة خيال .

ألا يا حبيبة هذاك،

 وهذيك ،

وهذول ،

وأنا.

تعالي هنيا ..تعالي هنا.

وعلى أي حال ..

إذا غابت الشمس … قولي تعال .

رحلت لبعيد …

رحلت لبعيد .. لبعيد .. لبعيد .

ومعي القلب شد الرحال ..

من أمسى القريب ، إرتحال .. إرتحال ..

أهيجن وأغني، وأجر الربابة ..

أجلي لسحابه وأهلي بسحابه ..

وأغيب بطريقٍ عميقٍ سِحيق  

وأضيع بضباب السهر والكتابة

وأحث الخطا

لا يطول البطا

وأشوفك ذنوب عظيمة وخطا ..

وعلى أي حال ..

أنا بشر لا أدعيه الكمال .

دفنتي الضجر والفراغ الكبير ..

بموت الضمير ، ورنين الصحافة

خسفت القمر في عيون الضرير

وقلت عمى لا عليه المخافه ..

حسافة .. حسافة ..

يصير .. يصير …

تجاوزت عنك الكثير .. الكثير ..

ترى الصبر شيمه ..

بعرف الرجال .

تمادي .. تهادي ، ورود الثقافة …

على ما تبين بسكوت ولطافه

وأبد لا تبالي بذلك ..

الخيالي ، كثير السؤال ..

وعلى أي حال ..

تراه أبتعد عن حياتك شمال.