( عــــاد )

(1)

عاد ..

ويا هلا به يوم طل ويوم هل ويوم عاد .

ويوم شفتك تقهرين الشمس بشروقك

وتغرين الرماد .

ويوم شفت الغيد حولك ..

ما بهم عذرا تطولك ..

في ربيعك في هطولك

في فصولك ..

وبالجمال اللي سحرني وأشغل عيون العباد .

(2)

عاد .

عاد ميلاد الشروق

ورقص الدنيا بذوق

وقال يا لمهموم روق

لين راقت من طرب ،ريح المراكب ..

ولين حفت وإحتفت بالأرض آ لاف الكواكب

ولين خف الحزن عن شعب المشاعر

وطار بين الناس شاعر .. ..

وإرتكي فوق أل مناكب .

ول يا كبر الوداد .

أشهد إنك بالغلا .. بالحيل .. ما يحتاج

وأشهد إنك من مزاج الشعر ..

من روحي ..

من إحساس المزاج .

وآه يا أحلى مزاج ..

ماج بحرك يا ولد سندباد ..

وعاد ميلادك سعيد

ويا هلا به يوم طل ويوم هل ويوم عاد .